أم رناد صديقة منتدي مطبخ أرسلت لنا بهذه الطريقة للتنويع في عمل ستيك اللحم وهي من اختراعاتها المبدعة! في يوم من الأيام ماكان لي نفس أطبخ الطبخ الاعتيادي.. دورت في المطبخ ايش اسهل شي ممكن اسويه اليوم على الغدا..وانا افكر لقيت قدامي قارورة المايونيز..قلت يابنت هذه القارورة لها شهر في الثلاجة ما انفتحت لانه ما نستخدمه غير في سلطة السيزر او مع سندوتشات البرغر او مع التونة..يعني في شغلات بسيطة وما نكثر منه.. المهم ما أطول عليكم..قلت لازم اشوفله حل قبل لا يخرب... وفكرت أم الأفكار (مادح نفسه كذاب ) خرجت قطع لحم ستيك وتبلتها وشوحتها... وجبت قارورة المايونيز ( حجم صغير ) وفرغتها في زبدية وعصرت عليها حبتين ليمون..وشوية فلفل ابيض..وقلبتها وحطيت خلطة المايونيز على وجة قطع الاستيك ورصيتها في صينية بايركس..ووضعت على الوجة رشة جبن موزاريللا..ودخلتها الفرن فترة دقيقتين حتى يصبح الوجه ذهبي فاتح... جربوها وادعولي..وإذا ما عجبتكم لا تدعوا عليّا...
